Налайхын барилгын материалын үйлдвэрлэл, Технологийн паркийн өргөтгөлийн 130 га газрын хэсэгчилсэн ерөнхий төлөвлөгөө батлах тухай

НИЙСЛЭЛИЙН

ИРГЭДИЙН ТӨЛӨӨЛӨГЧДИЙН ХУРЛЫН

ТОГТООЛ

2026 оны 06 сарын 17                                 Дугаар 26/57                      Улаанбаатар хот

Налайхын барилгын материалын

үйлдвэрлэл, Технологийн паркийн  

өргөтгөлийн 130 га газрын хэсэгчилсэн

ерөнхий төлөвлөгөө батлах тухай

   Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 24 дүгээр зүйлийн 24.1.1, 24.1.15 дахь заалт, 35 дугаар зүйлийн 35.1.13 дахь заалт, 48 дугаар зүйлийн 48.1, 48.2 дахь хэсэг, Хот байгуулалтын тухай хуулийн 8 дугаар зүйлийн 8.1.1, 8.1.6 дахь заалт, Нийслэлийн иргэдийн Төлөөлөгчдийн Хурлын 2024 оны 24/08 дугаар тогтоолоор батлагдсан “Нийслэлийн Засаг дарга бөгөөд Улаанбаатар хотын Захирагчийн 2024-2028 оны үйл ажиллагааны хөтөлбөр”-ийн 3 дугаар зүйлийн 3.3.1 дэх заалт, 2025 оны 25/112 дугаар тогтоолоор батлагдсан “Нийслэлийн хөгжлийн 2026 оны төлөвлөгөө᠋᠋᠋᠋”-ний 3 дугаар бүлгийн 3.3 дахь зорилтыг тус тус үндэслэн Нийслэлийн иргэдийн Төлөөлөгчдийн Хурлаас ТОГТООХ нь:

          1.“Налайхын барилгын материалын үйлдвэрлэл, технологийн паркийн өргөтгөлийн 130 га газрын хэсэгчилсэн ерөнхий төлөвлөгөө”-г хавсралтаар баталсугай.

          2.Энэ тогтоолоор баталсан хэсэгчилсэн ерөнхий төлөвлөгөөг иргэд, олон нийтэд сурталчлан, хэрэгжилтийг зохион байгуулж ажиллахыг Нийслэлийн Засаг дарга бөгөөд Улаанбаатар хотын Захирагч (Б.Пүрэвдагва)-д үүрэг болгосугай.

          3.Тогтоолын хэрэгжилтэд хяналт тавьж ажиллахыг Хурлын Бүсчилсэн хөгжлийн хороо (Л.Ариунтуяа)-нд даалгасугай.

ДАРГА                                              Д.ИХБАЯР